İcbari Tibbi Sığorta koronavirus testi ilə bağlı vətəndaşlara göndərilən yanlış məlumatlara münasibət bildirib

İcbari Tibbi Sığorta üzrə Dövlət Agentliyi koronavirus testinin nəticələri ilə bağlı vətəndaşlara göndərilən məlumatda texniki xəta nəticəsində yaranan yanlışlığa münasibət bildirib.

Agentliyin marketinq və ictimaiyyətlə əlaqələr departamentindən Fins.az-a daxil olan məlumatda bildirilir: “İyulun 25-də və 26-da its.gov.az portalından vətəndaşlara koronavirus testinin nəticələri haqqında göndərilən məlumatda texniki xəta ilə əlaqədar yanlışlıq olub. Həmin tarixlərdə its.gov.az portalından SMS-lə mesaj alan şəxslərdən rica edirik ki, testin nəticəsini nəzərə almasınlar.

İyulun 27-dən başlayaraq test nəticələri ilə bağlı vətəndaşlara yeni SMS-lər göndəriləcək.

Sistemdə baş verən texniki xətaya görə üzr istəyirik.

Yanlış mesaj göndərilən şəxslərə Agentlik tərəfindən üzrxahlıq mesajı göndərilir

Mənbə: Fins.az