Azərbaycanın ilk özəl sığorta şirkəti olan Günay Sığortanın ad günüdür

Azərbaycanın ilk özəl sığorta şirkəti olan “Günay Sığorta” ASC bu gün 28 illiyini qeyd edir. Şirkət Maliyyə Nazirliyi tərəfindən verilmiş 04 sentyabr 1992-ci il tarixli 235 saylı şəhadətnamə ilə qeydiyyata alınaraq fəaliyyətə başlamışdır. 14 avqust 2008-ci il tarixində Azərbaycan Respublikası Maliyyə Nazirliyi tərəfindən 042483 saylı müddətsiz lisenziya verilmişdir.

28 il ərzində müştərilərinin, əməkdaşlarının, partnyorlarının etibarını qazanaraq  fəaliyyət göstərən şirkət bazarda daim yeni məhsulları, operativ xidməti və sosial layihələri ilə seçilmişdir.

Son 1 ildə “Günay Sığorta”  "Avtomobilinizi uşaqlarınız üçün təhlükəsiz edin", “1 iyun – Uşaqların Beynəlxalq Müdafiəsi Günü” “İmkansız ailələrə yardım”, “Azərbaycan Polis Günü “,  “Ailənizin sağlamlığı sizin sığortanızdır!” və digər bu kimi sosial layihələri Bakı şəhəri və regionlarda həyata keçirtmişdir. İqtisadiyyatdakı böhranla əlaqəli çətinliklərə baxmayaraq əhaliyə daim dəstək olmuşdur.

Həmçinin şirkət yalnız Bakı şəhərində deyil, regionlarda da yaşayan əhali üçün yeni iş yerlərinin açılması və bütün növ sığorta xidmətlərindən rahat şəkildə faydalanmasını təmin edir. Bu səbəbdən artıq regionlar üzrə nümayəndəliklərinin sayını 10-a, satış nöqtələrinin sayını 100-ə çatdırmışdır.

28 ildir müştərilərinin əmlaklarına, avtomobillərinə, bizneslərinə və s. dəyən maddi zərərləri qarşılayaraq onların çətin zamanlarında dəstək olmağı bacaran “Günay Sığorta” bundan sonra da peşəkar kollektivi ilə müştərilərinin inamını doğrultmaqda davam edəcəkdir.

“Günay Sığorta” şirkəti partnyorlarına və müştərilərinə uğurlu və etibarlı əməkdaşlığa görə təşəkkür edir.

28 ildir sizə xidmət göstərməkdən məmnunuq!

Mənbə: Fins.az