İpoteka və Kredit Zəmanət Fondu "PAŞA Sığorta" və "Atəşgah Sığorta"nı keçirdiyi tenderlərin qalibi elan edib

İpoteka və Kredit Zəmanət Fonduna məxsus daşınmaz əmlakların sığortalanması ilə bağlı elan edilmiş açıq tenderin nəticəsi məlum olub. 

"Report" xəbər verir ki, tenderin qalibi "PAŞA Sığorta" ASC-dir. 

Fond ona məxsus daşınmaz əmlakların istismarı ilə bağlı mülki məsuliyyətinin icbari sığortasına dair elan etdiyi açıq tenderin nəticəsini də elan edib. Bu tenderin qalibi isə "Atəşgah Sığorta" ASC-dir. 

Yanvarın 24-də hər iki sığorta şirkəti ilə satınalma müqaviləsi imzalanıb. 

mənbə: report.az