“Azərsığorta” həlak olmuş və yaralanmış hərbçilərə görə ödəniş etməyə başlayıb

Dövlət Sığorta Kommersiya Şirkəti (“Azərsığorta”) sentyabrın 27-dən Qarabağda aparılan əks-hücum əməliyyatları (Vətən Müharibəsi) zamanı həlak olmuş və yaralanmış hərbçilərə görə ödəniş etməyə başlayıb.

Bu barədə  şirkətdən məlumat verilib.

“Həyatını itirmiş və xəsarət almış hərbi qulluqçularla bağlı artıq “Azərsığorta”ya müraciətlər daxil olur və təmin edilir”, - deyə maliyyə qurumunun rəhbər şəxslərindən biri bildirib.

Qeyd edək ki, Hərbi qulluqçularının dövlət icbari şəxsi sığortası "Azərsığorta" tərəfindən aparılır.  Hərbi qulluqçu 11 min manat məbləğində sığorta edilir. Ölüm halında 11 min manat 100% ödənilir. Yaralılara isə əlillik dərəcəsindən asılı olaraq 80-40%-i ödənilir.

Mənbə: Report.az