preloader gif

Azərbaycanda 6 sığorta şirkətinin yığımları azalıb

sığorta,sigorta,sigorta xeberleri,sigorta odenisleri,sığorta xəbərləri,sigorta sirketleri,sığorta şirkətləri
14:51 27.10.2021

Bu ilin yanvar-sentyabr aylarının yekununa görə, Azərbaycandakı 20 sığorta şirkətindən 12-nin yığımları illik müqayisədə artıb, 6-nın yığımları azalıb, 2 şirkət (“Aqrar Sığorta Müştərək Sığorta Şirkəti” və “Meqa Həyat Sığorta” ASC-lər) ötən ilin yanvar-sentyabr aylarında bazarda olmadığı üçün onların yığımlarında dinamika qeydə alınsentyabrıb.

"Renkinq" xəbər verir ki, bu barədə Azərbaycan Mərkəzi Bankının açıqladığı statistik hesabatda bildirilir.

Hesabata əsasən, son 1 ildə yığımları illik müqayisədə ən çox artan şirkət "Bakı Sığorta" ASC-dir. Bu şirkət 9 ay ərzində 3,808 milyon manat sığorta haqqı toplayıb ki, bu da 1 il əvvələ nisbətən 3 dəfə çoxdur. Daxilolmaları ən az artan şirkət isə “PAŞA Sığorta” ASC-dir. Bu şirkətin daxilolmaları 150,626 milyon manat təşkil edib ki, bu da 1 il əvvələ nisbətən 11,8% çoxdur.

Yığımları azalan şirkətlər arasında ən pis vəziyyət “Azsığorta” ASC-dədir. Bu şirkətin daxilolmaları 35,1% azalaraq 8,382 milyon manat olub. Yığımlarda azalma baxımından ən yaxşı vəziyyət isə “Xalq Sığorta” ASC-dədir. Bu şirkətin daxilolmaları 5,3% azalaraq 20,628 milyon manata düşüb. 

Mənbə: Renkinq.az

SIĞORTANI İNDİ ƏLDƏ ET