Standard sığorta şirkətinin müştərilərinin NƏZƏRİNƏ

“Mərkəzi Bankın İdarə Heyətinin qərarı ilə bağlanan “Standard İnsurance” sığorta şirkətinin müştəriləri yaranan bütün mübahisələrlə bağlı İcbari Sığorta Bürosuna (İSB) müraciət edə bilərlər”.

Fins.az-ın məlumatına görə, bunu AzTV-nin efirində yayımlanan "İqtisadiyyat xəbərləri" verilişində İcbari Sığorta Bürosunun icraçı direktoru Rəşad Əhmədov bildirib.

Onun sözlərinə görə, qanunvericiliyin tələbinə uyğun olaraq, Büroya üzv sığorta şirkətləri topladığı sığorta haqlarının 5%-ni İSB-yə təqvim haqqı olaraq ödəyirlər: “Toplanan vəsaitlər isə bu dövrdə baş verən hadisələr zamanı sığorta haqlarının ödənilməsinə yönəldilir”.

Məlumata görə, hazırda müxtəlif sığorta sahələri üzrə İcbari Sığorta Bürosuna 15 sığorta şirkəti üzv olub.

Mənbə: Fins.az