Azərbaycanda bir sıra bələdiyyələr 1 mln. manata yaxın sosial sığorta borclarının ödənilməsini təmin edib

Azərbaycanda bir sıra bələdiyyə tərəfindən vergi orqanları ilə borcların ödənilməsi qrafiki razılaşdırılaraq, hesablarına qoyulmuş məhdudiyyətlər götürülüb, sosial sığorta borclarının 1 mln. manata yaxın hissədə ödənilməsi təmin edilib.

APA-nın məlumatına görə, bu, Milli Məclisə təqdim edilən "Bələdiyyələrin fəaliyyətinə inzibati nəzarətin həyata keçirilməsi ilə bağlı illik məruzə"də (2019-cu il üzrə) əksini tapıb.

Məruzədə qeyd edilib ki, yerli özünüidarəetmə orqanlarının böyük hissəsinin sosial sığorta ödənişləri üzrə xeyli borclarının yaranması, bu səbəbdən onların bank hesablarına məhdudiyyətlərin qoyulması narahatçılıq doğurduğundan bu sahədə bələdiyyələrlə iş aparılıb.

Mənbə: Apa.az