10:34 02.03.2020
Bu ilin yanvar ayında Azərbaycanda həyatın yaşam sığortası üzrə 13,288 milyon manat sığorta haqqı toplanılıb.
Fins.az Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 58,9% çoxdur.
Ölkədə həyatın ölüm halından sığortası bazarı isə cüzi kiçilib. Belə ki, yanvarda bu sığorta növü üzrə daxilolmalar 1 il əvvələ nisbətən 1% az - 2,897 milyon manat, ödənişlər isə 61,2% çox - 166 min manat təşkil edib.
Azərbaycanda əmək qabiliyyətinin sığortasına da maraq azalıb. Hesabat dövründə bu sığorta növü üzrə yığımlar 84,1% azalaraq 39 min manata, ödənişlər isə ötən ilin yanvar ayındakı kimi bu ilin yanvar ayında da olmayıb.
Bu sığorta növü üzrə toplanılan sığorta haqqı təxminən 3 dəfə artaraq 20 min manata çatıb. Ödənişlər baxımından vəziyyət isə əmək qabiliyyətinin sığortasında olduğu kimidir.
Azərbaycanda istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta bazarı da böyüyüb. Bu sığorta növü üzrə daxilolmalar 15,3% artaraq 2,585 milyon manata çatıb, ödənişlər isə 43,1% azalaraq 222 min manata düşüb.
Müraciətiniz uğurla göndərildi. Qısa müddət ərzində sizinlə əlaqə saxlanılacaq.
Hörmətli istifadəçi. Hesaba daxil olmaq üçün zəhmət olmasa daxil ol bölməsinə uyğun məlumatları daxil edin.
Azərbaycanca
English
Русский
Az
Əvvəlki 
