Azərbaycanda avtomobil kreditləri üzrə orta dərəcə azalıb, məişət texnikasının təmir və alışına isə - ARTIB

2022-ci ilin birinci yarısında Azərbaycanda avtomobil alışı üçün verilən istehlak kreditləri üzrə orta dərəcə 2 f.b. – illik 15%-dək azalıb.

FED.az xəbər verir ki, bu barədə Mərkəzi Bankdan məlumat verilib.

Yanvar-iyun aylarında istehlak kreditlərin bəzi növləri üzrə dərəcələrin artımı müşahidə olunur. Xüsusilə, məişət avadanlığının alışına istehlak kreditləri üzrə orta dərəcə 22% (2021-ci ildə - 21%), mənzil təmirinə kreditlər üzrə - 22% (21%) təşkil edib.

Milli valyutada kredit kartları vasitəsilə istehlak kreditləri üzrə orta dərəcə 25% səviyyəsində qalıb. Həmçinin, yanvar-iyun aylarında xarici valyutada kredit kartları vasitəsilə istehlak kreditləri üzrə orta dərəcə 1 f.b. – 8%-dək artıb.

2022-ci ilin birinci yarısında milli valyutada istehlak kreditlərin digər növləri üzrə istehlak kreditləri üzrə orta dərəcə 20% (21%), xarici valyutada – 4% (4%) təşkil edib. (İnterfaks-Azərbaycan)

Mənbə: Fed.az