Bu ilin yanvar-iyun aylarında Azərbaycandakı 22 sığorta şirkətinin ümumi yığımlarının həcmi 11% artaraq 400,959 milyon manat təşkil edib.
“MediaPost” Azərbaycan Mərkəzi Bankına istinadən xəbər verir ki, sığorta şirkətlərinin həyata keçirdikləri ödənişlərin məbləği isə 184,843 milyon manat təşkil edib.
Bu isə illik müqayisədə 55,2% çoxdur.
Bu isə ötən ilin eyni dövrü ilə müqayisədə sığorta bazarının zərərliyini artırıb. Belə ki, 2020-ci ilin yanvar-iyun aylarında sığorta bazarında toplanmış hər 100 manat sığorta haqqının 46,1 manatı ödəniş edilib.
2019-cu ilin yanvar-iyun aylarında bu göstərici 33 manat təşkil edib.
MediaPost.az