Bildirmək istəyirəm ki, 21 mart 2019-cu il tarixdə idarə etdiyim "Nissan SUNNY" markalı 90DL848 dövlət nömrə nişanlı avtomobili Zeynal Zeynalov idarə etdiyi "Mersedes" markalı 90NS172 nömrəli maşınla vurmuş, nəticədə avtomobilimə ciddi ziyan dəymiş və salonda olan 3 nəfər ailə üzvü kəllə-beyin travması almışdır. Bu hadisə videoregistor vasitəsilə çəkilmişdir. Hadisə yerinə gələn "Atəşgahsığorta" şirkətinin KAMİL adlı qəza komissarı açıq-aşkar Zeynal Zeynalova hadisəni törətdiyini boynuna almamağı tələb edərək dələduzluq etmiş,özünün qeyri-qanuni tərtib etdiyi sənədə imza etmədiyi üçün mənə hədə-qorxu gəlmişdir.  Hadisə ilə bağlı Məhkəmə Ekspertiza Mərkəzinin rəyinə və müstəntiqin Qərarına əsasən Zeynal Zeynalovun Yol hərəkəti haqqında Qanunun 42-ci maddəsinin 1-ci və İXM-nin 327.8-ci maddəsinin tələblərini pozaraq hadisəni törətdiyi sübuta yetirilmişdir.  İcbari Sığorta Haqqında Qanunun 17-ci maddəsində göstərilən sənədləri rəsmi qaydada 21.06.2019-cu il tarixdə "Atəşgahsığorta" şirkətinə təqdim edilmişdir. Həmin Qanunun 18-ci maddəsinə əsasən 7 iş günü ərzində sığorta ödənişi verməli olduqları halda, məni prokurorluq orqanları ilə tutduracaqları ilə hədələyərək sığorta ödənişini almaqdan imtina etməyi tələb etmişlər və uzun müddətdir ki, əsassız olaraq süründürməçiliyə yol verirlər.