İcbari əmlak

İcbari Əmlak Sığ ortası- Güvənəcəyiniz Sığorta Şirkəti!

İcbari əmlak sığortası vacib olan sığorta növlərindən biridir. Daşınmaz əmlak deyildikdə, hüquqi və fiziki şəxslərə məxsus olan yaşayış sahələri, qeyri-yaşayış sahələri, bütün növ bina və mənzillər nəzərdə tutulur. Təbii və qeyri-təbii fəlakətlər yaxud da hər hansı bir bədbəxtliyin nəticəsində yaranan yanğın, boru partlaması və s kimi problemlər zamanı dəymiş ziyanın ödənilməsini həyata keçirən sığorta şirkətlərinə öz daşınmaz əmlakınızı sığorta etdirərək gələcəkdə baş verə biləcək hər hansı bir problemdən minimum zərərlə xilas ola bilərsiniz. Artıq yeni təsdiq olunmuş qərara əsasən siz çox asan şəkildə daşınmaz əmlakınızı sığorta etdirə bilərsiniz. “İcbari sığortalar haqqında” Azərbaycan Respublikası Qanununun Xüsusi bölməsinin II fəslində Daşınmaz əmlakın icbari sığortası nəzərdə tutulmuşdur.

Əgər siz daşınmaz əmlakınızı sığorta etdirsəniz;

• yanğın, ildırım düşməsi;
• məişətdə və istehsalatda istifadə olunan qazın partlayışı;
• elektrik naqillərində baş verən qısa qapanma;
• buxar qazanlarının, qaz anbarlarının, qaz kəmərlərinin, maşınların, aparatların və digər oxşar qurğuların və ya cihazların partlayışı;
• su, istilik, kanalizasiya kəmərlərinin və yanğınsöndürmə sistemlərinin qəzası, habelə qonşu tikililərdən, yaşayış və qeyri-yaşayış sahələrindən, yaşayış evlərindən və binalarından, mənzillərdən, otaqlardan daxil olan su nəticəsində subasma;
• hər hansı predmetin və ya onun hissələrinin düşməsi, atılması, dəyməsi, dağılması, axıdılması və digər bu kimi formalarda təsiri;
• yerüstü nəqliyyat vasitəsinin dəyməsi;
• təbii fəlakətlər – zəlzələ, vulkan, fırtına, qasırğa, tufan, dolu, sel, daşqın, leysan, yer sürüşməsi;
• üçüncü şəxslərin hərəkətləri nəticəsində daşınmaz əmlakınız zədələnmiş, məhv olmuş, itkiyə məruz qalmış hesab olunacaq və dəymiş ziyan hesablanaraq təzminat ödəniləcəkdir.

Ancaq aşağıdakı hallarda daşınmaz əmlakın nəticəsində zədələnməsi, məhv olması, yaxud hər hansı digər formada itkisi sığorta hadisəsi hesab olunmur:

• sığortalının, faydalanan şəxsin və ya onların rəhbər işçilərinin hadisənin baş verməsinə yönəldilmiş qəsdən etdiyi hərəkətlər;
• sığortalanmış əmlaka təmir, emal və ya digər istehsalat məqsədləri üçün tətbiq olunan istehsal alovunun, yaxud istiliyin təsiri nəticəsində, eyni zamanda yanğın baş verməmişdirsə, belə əmlaka zərərin dəyməsi;
• hadisə zamanı və ya hadisədən sonra əmlakın hər hansı hissəsinin oğurlanması;
• qrunt sularının səviyyəsinin dəyişməsi;
• suyun borulardan və ya rezervuardan şaxta vurma, aşınma, yeyilmə, tədricən xarab olma, boruların və rezervuarların təmiri, köçürülməsi və ya tutumunun artırılması nəticəsində axması.

Qanunvericilikdə yaşayış evləri və mənzillər üçün sığorta tarifi sığorta məbləğinin 0,2%-i həcmində müəyyən edilib.

• Bakı şəhərində yerləşən mənzilləri 50 manat məbləğində icbari sığorta etdirib hadisə baş verdikdə 25.000 manatadək, azadolma məbləği 250 manat;
• Gəncə, Sumqayıt və Naxçıvan şəhərlərində yerləşən mənzilləri 40 manat məbləğində icbari sığorta etdirib hadisə baş verdikdə 20.000 manatadək, azadolma məbləği 200 manat;
• Digər yaşayış məntəqələrində yerləşən mənzilləri 30 manat məbləğində icbari sığorta etdirib hadisə baş verdikdə 20.000 manatadək (azadolma məbləği 150 manat) məbləğdə təmiant ala bilərsiniz.

Daşınmaz əmlakın icbari sığortası üstünlükləri:

Daşınmaz əmlakın icbari sığortası günümüzdə ən vacib nüanslardan biridir. Insure.az ilə siz artıq bütün sığorta növlərinə hakim olacaqsınız. Belə ki, İcbari Əmlak sığortası sizə aşağıdakı üstünlükləri təmin edəcək. 

Ətraflı oxu